王子涵執靚個樣闖星途

早前王子涵從英國放暑假返港，即投身娛樂圈參與不同崗位的工作，試過做過公關，又幫父親（王晶）拍過幾部電影，稍後還有機會拍廣告，她說：「樣樣想試，睇吓邊條路順啲。不過我比較喜歡做演員，雖然因為Daddy嘅關係，人脈網絡係有，但觀眾緣唔夠，可能因為我留喺香港時間唔夠多。」

sharp啲有着數

要在娛樂圈成名，靠樣靠身材上位的女生比比皆是，王子涵承認先天條件不足，不介意後天整容補救，她笑說：「真係有諗過㗎，個個女仔圍埋都會諗過呢個問題（整容），尤其做幕前，個樣sharp啲一定有着數，Daddy都講過覺得『修飾』吓冇所謂，例如割雙眼皮，但唔好大執。如果我將來真係整亦唔介意公開，莊思敏都咁揚啦！」

王子涵並不急於拍拖。

子涵不介意整容，但爸爸王晶吩咐不可以「大執」。

子涵認為既然整完可以令人有自信同靚啲，覺得OK，但現時她只得21歲，年紀尚輕，有意大一點再考慮。

男友可慢慢揀

子涵年輕、個性率直，身邊不乏追求者，但她直言對另一半要求好高：「我依家冇男友，但亦希望將來男友可以同我門當戶對。講真，我都怕窮，有朋友話咁樣太現實，唔算係愛情，但我覺得做人要睇長遠啲，我依家又唔心急拍拖，可以慢慢揀。」

攝影：劉智源

服裝及場地：TAG

化妝及髮型：Sharon Yeung @ Luxury

專案組