區文詩恨被捧做公主
歌手區文詩（Angela）和樂壇新人陳蕊蕊（Yuri）及女子組合MVG齊出席活動，剛甩拖的Angela表示，再拍拖會找個圈外人，想有被捧成公主的感覺。
前晚Angela、Yuri及樂壇新進女子組合MVG齊出席假海港城舉行的活動，由於Yuri和MVG成員Annabelle均以低胸裝大露事業線示人，自然成為全場焦點。問擁有34D豐胸的Yuri可擔心被人用眼神非禮？她哈哈笑說不擔心，其打扮只是尊重場合，況且她的fans很友善。
指旺異地姻緣
Angela和前男友鈴木仁分手後，現身邊有三至四位外籍追求者，她強調現時只想全力工作，不心急拍拖，但自言和圈外人發展較適合，她說：「之前同圈中人拍拖，可能大家都慣咗畀人照顧，性格上會出現火星撞地球嘅情況，但同圈外人一齊，佢哋會當你係公主咁看待，表現得好謙卑。」Angela又謂曾有相士贈言，指她旺異地緣，將來的老公定是外籍人士。
Yuri容易受傷
而當日見Yuri傷痕纍纍，右手手臂出現多條傷痕，她強調：「我唔係畀男友打，依家冇拍拖，只係自己大懵，個幾月前被牆上啲釘𠝹傷，（怕唔怕被人誤會虐打呀？）唔會，但有人懷疑我𠝹手，不過唔係囉。」Yuri為證實自己是容易受傷的女人，多次彎身倒奶指出其腳部傷痕的位置，她又說腳上的傷痕是早前出埠工作時，被人用高跟鞋刮傷，幸好疤痕不太明顯，問她可懷疑對方有心傷害？Yuri相信不會，只怪自己皮薄。
音樂組