李蘊玩Rock行鼓惑
曾是前女子組合Cream成員的李蘊，當年已於人前表演打爵士鼓，現再執鼓棍的她決意再做「鼓女」。為了令鼓技更上一層樓，李蘊更會相約RubberBand的泥鯭及Mr.的阿Tom交流打鼓心得，未知事前可有知會男友劉謙呢？
李蘊（Renee）年僅13歲便與兩名女生組成組合Cream加入樂壇，當時Renee已不時獻技，一有機會便充當鼓手，為隊員、或與不同的歌手合作伴奏。相隔七年，Renee期間忙於拍戲、拍寫真、唱歌，將鼓棍置於一旁，最近決意再執鼓棍的她，誓要做樂壇新一代「鼓女」！
讚泥鯭樣樣精
渴望組女子Band的Renee經常相約樂隊RubberBand的泥鯭及Mr.的阿Tom講「鼓」經。對於泥鯭無論打鼓、彈結他、唱歌樣樣皆精，她坦言也想自我增值學結他：「不過我無天分，只可扮吓嘢，要學精就要花時間同精神，唔可以每樣都只識少少，好難好似泥鯭咁勁乜都識。」不過她不怕相約猛男打鼓會令男友劉謙呷醋，因大家都是成年人，明白是工作需要。
劉謙無緣欣賞
Renee誓做「鼓女」，還得男友一百分的支持，但原來劉謙從未親眼欣賞其鼓技，早前更錯失黃金機會，她說：「之前去台灣為一間餐廳開幕，原本要打鼓，但最後因為設備唔啱而取消咗，咁佢就睇唔到喇！」為了配合「Band女」形象，Renee將轉玩搖滾look，她笑言男友並不介意，覺得各有各好，果然是「情人眼裏出西施」。
髮型及化妝：Crystal@iMakeUp
場地：N'gine Bandroom
影視組