Eason撐朱咪咪贏女歌手
陳奕迅（Eason）因屬四大歌手，已有兩年無緣出席無綫「十大勁歌金曲頒獎典禮」，對無綫歌手買少見少，令男女歌手獎幾位歌手玩晒，Eason亦忍不住笑言應由尹光和朱咪咪贏男女歌手獎項。
Eason昨日出席電台訪問，近日忙於在各地巡唱和錄音，對於無綫被本報踢爆疑因「歌星力弱」要縮皮將頒獎禮由紅館搬回電視城舉行，記者笑指全因沒有Eason關係？Eason即大呼：「千祈唔好咁講！（冇咗四大歌手後，男女歌手獎得主都係嗰兩位？）哦，尹光同朱咪咪嘛，唔係仲有邊個啫。」無綫解釋因今年攞不到紅館檔期？Eason謂：「即係有人霸期，一月嘅紅館唔會o架！（係咪你霸咗？）應該唔會係我。（你有期係咪讓畀無綫？）呢個你要問陳家瑛啦。」被問是否去少一個頒獎禮更輕鬆？Eason謂：「相對內地又多咗啫。」Eason表示日前出街發現有「狗仔隊」跟蹤，但對方又駕車又要影相，最後他成功甩掉對方，Eason笑謂不只無綫縮皮，連傳媒都要縮皮。
千嬅腹部微隆
至於楊千嬅前晚出席咖啡店活動，千嬅穿貼身衫驚見腹部微隆，即被問到現時跳唔跳得？千嬅即有所意會笑言：「未有，我食飽飯啫。」她稱都想有B，但還有兩部戲要拍，要過埋年尾才可以造人。另提到無綫將勁歌金曲頒獎典禮搬回電視城舉行，千嬅謂：「唔知喎，只知好多人嚟緊紅館開騷，其實呢啲都係過程同結果啫，冇所謂啦。」講到與無綫冇約？千嬅則說：「我同TVB關係不僅一張紙，自己新秀到依家已超越一張紙。」千嬅稱年底經理人合約屆滿，反而傾緊經理人約，希望明年工作外能放多些時間在家庭。
音樂組