祖兒任摸 大叫過癮

戚美珍、賈思樂、林建明（大姐明）、盧海鵬演出的經典趣劇《蝦仔爹哋》前晚上演首場，請來容祖兒、曾志偉、鄭裕玲等重量級嘉賓，各人施展渾身解數，發放連串笑彈，將趣劇爆肚經典再現。

好似海關檢查咁

祖兒飾演由3D電視機走出來的「3D天后」，向來喜歡整蠱人的盧海鵬趁她唱歌時不時發出怪叫，令到祖兒差點爆笑，其後大姐明加入，大叫：「哇！容祖兒喎！摸吓先。」隨即以手掃向她膊頭和身體，旁邊的盧海鵬問：「摸得o架？」亦摸向其膊頭，幸好祖兒處變不驚。

放大圖片	祖兒在ＭＶ中化身飄逸仙子。

祖兒受訪時坦言不介意被公開摸身：「好似海關檢查咁，好好玩，冇乜所謂，呢啲回憶可一不可再。」並說只演出一段實在不夠。

感激華哥遞拖鞋

在後台期間黃日華眼見祖兒穿上六吋高跟鞋，即為她找來拖鞋，令她十分感動：「好有人情味。」大姐明臨完場時明顯體力不支，仆倒台上，身邊的曾志偉講笑解困說：「唉呀，佢支持到×街呀！咁我哋齊齊支持呢個×街啦！」由於盧海鵬與曾志偉在台上先後爆粗，不過盧海鵬卻予以否認，還着記者指出那一句是粗口。

此外，祖兒遠赴台北誠邀比爾賈執導的新歌《花千樹》MV終於登場，祖兒化身仙子在奇樹異花中尋覓真愛，富有詩意和美感，即使拍攝當天要不停補妝，祖兒亦覺得非常值得。

影視組