熊黛林恨出口 生兩個

熊黛林前晚佩戴全場最貴、總值接近300萬的鑽飾出席「Diamond in the Sky, Hong Kong」國際慈善晚宴，雍容華貴，當晚活動聯合籌委會主席周大福集團副董事長鄭家純及其父親鄭裕彤等都有出席。

而打對台的緋聞男友郭富城則現身電單車活動，獲大會送贈重型電單車，可惜他暫未有電單車牌，故新車先放在家中觀賞，問到女友熊黛林是否首個乘客？他說：「架車坐唔到兩個喎，（可以改裝座位？）哈！考慮吓！」

城城願意改裝電單車，可以載熊黛林兜兜風。

熊黛林（左二起）、謝婷婷及鄭裕彤前晚出席慈善晚宴。

湊個「好」字

至於昨日，熊黛林谷胸上陣騷三吋事業線出席SkinCeuticals spa活動，和現場的小朋友打成一片，問她是否恨生小朋友？她說：「我好鍾意小朋友，呢啲恨又恨唔到，要睇緣分，如果緣分到，個天會畀呢份禮物我。（想生一仔一女？）咁樣好啲，我都有哥哥，可以幫我出頭同有被保護感覺。」

細膽怕坐車尾

提到城城前晚說讓她做電單車乘客，熊黛林卻說對方冇電單車牌就不要駕駛，「佢係好守法公民，我好細膽又冇坐過電單車，要有全身好似ironman裝備，或者揸到二、三十咪先得。」當問到城城給她做首個乘客，自己又會獻甚麼的第一次給對方，會否是生仔？她即尷尬掩嘴兼擰頭。

名人組