羽翹求增磅飲奶谷胸

時下興瘦身，但羽翹就積極求增磅，昨日她和模特兒傅嘉莉一同出席化妝活動，甫見記者即報喜訊：「之前我厭食驚魂依家已經好番，體重亦上升番98磅。最慘瘦咗之後連胸都冇埋，啲bra都要換過晒，有時冇就愈強求，好似今日呢條露背裙咁，就要特登買個貴嘅bra托一托。我依家飲全脂奶豐胸，飲咗三個禮拜都有少少成績，因為化妝師Gary話飲奶肥會肥個胸先，希望體重可以升番上100磅。」羽翹又表示自己皮膚容易敏感：「試過塊面長風疹，好似豬頭咁，同埋我好易畀自己啲汗整到敏感，如果去戶外工作就死梗，所以我都好少着泳衣。」