滕麗名hurt住閃婚
滕麗名與李泳豪可算同是天涯淪落人，最近不約而同飽受情傷，昨日二人出席活動時慘遭大逼供，分別遭「情場騙子」及「愛人結婚了」話題纏擾不停，認真無奈！但滕麗名亦不諱言緣分到會閃婚。
滕麗名、商天娥、李泳豪、林夏薇、張兆輝等昨為新處境劇《結‧分＠謊情式》試造型，對於阿滕、豪仔來說，劇名實在「應景」。早前被指遭圈外男友瞞着搵新歡的阿滕，被追問是否遇上情場騙子？見慣「風浪」的她只好大耍太極謂：「不談感情事！」她更強調情路並不坎坷：「冇啲咁嘅事，我都冇話拍拖。」此時，即有記者指她曾被影到與男仔拖手，阿滕聽到只好「補鑊」說：「我同好多人都拖住出街，好勁o架！」在新劇中會與陳奐仁閃婚的阿滕，笑言現實生活亦不排除閃婚：「幾特別，I like it！感情係緣分嚟嘅。」
豪仔避談舊愛
月前遭楊思琦「拋棄」的李泳豪，原本心情已平復不少，可惜又再盛傳舊愛與新歡吳帥明年結婚，對於相關傳聞，豪仔坦言全不知情：「唔知佢結婚，同佢冇聯絡，近排忙開工及與車隊訓練。」他更坦言不欲多談往事：「已經發生咗（分手），冇辦法。」當記者追問若思琦結婚會否送上祝福？豪仔無奈說：「唔講喇！」此外，已有十年沒為無綫拍劇的張兆輝，坦言推掉兩部劇及一部電影回巢，損失過百萬。
文：影視組