被司機眼睛非禮 吳若希扯火
除了張敬軒發生的士「歧」遇記外，女歌手吳若希（Jinny）昨日亦在微博大吐苦水，美腿被的士司機「掃射」，Jinny寫道：「今（昨）日工作需要，所以穿了短褲。一上的士，司機已經用眼神一直看向我大腿！現在在的士上塞車，他更肆無忌憚地在我身上游走，用眼睛非禮我！很想罵他，可我在他車上，好恐怖。」
事後Jinny接受本報電話訪問時詳述事件，她因趕時間雖然未上車前已發現司機𥄫她，惟附近沒有其他的士，只好照上車：「一上車佢已經擰轉頭望住我大髀，我即刻用個大袋遮住，嗰刻我都躁躁哋，喺倒後鏡望實佢，最衰塞車，佢更加肆無忌憚扮望後面，擰過嚟望我。」
Jinny礙於無憑無據，對方又冇出言輕薄，她也沒有記低其車牌及姓名，惟有以後都是着長裙長褲坐的士！對於軒仔的「歧」遇記，Jinny戥他唔抵及說好無辜：「我覺得司機就算有壓力，都唔可以咁講嘢，要尊重自己行業。」