震懾水中舞群星心動

在中國人傳統理念中，「水」象徵幸運及財富，佛朗哥‧德拉戈就利用這生生不息的「水」，炮製出一個穿越時空史詩式的愛情故事，並以震撼人心的水上匯演呈現觀眾眼前！自從去年開始澳門公演以來，深受各界追捧。

早前楊愛瑾便孖董敏莉齊齊捧場，楊愛瑾對此讚不絕口，揚言定會再入場觀賞，她說：「真係好好睇，尤其係電單車嗰part同好高跳落嚟嗰part，睇到好緊張，戥佢哋驚，好精彩！」

余安安直言「水舞間」的表演令她緊張得很。	方力申、尹子維和羅仲謙看畢「水舞間」後不約而同讚好。	尹子維

董敏莉愛上水花

董敏莉透露自己的座位是在第二行，看畢後全身濕透，她說：「佢哋每一個動作，濺起嘅水花，我都成身濕晒，我要用大會嘅毛巾擋住，但係我覺得好震撼，我仲同朋友講，如果要get wet，就一定要睇！」

名媛余安安向來覺得水加跳舞所帶出的movement再配以燈光效果，可謂美不勝收，現在親眼感受更覺刺激，安安笑着表示：「我鍾意睇刺激嘅嘢，好似電單車同跳高咁，我未試過睇跳水咁高跳落嚟，嗰一刻個心真係有停一停嘅感覺！幕幕都好鍾意，啲男仔又好型，啲衫又好靚，現場睇好震撼！」

小方：係亞洲之光

「水舞間」除令女士們着迷，亦同樣風靡男士們，方力申就形容這是亞洲之光，必看無疑！而羅仲謙則大讚內容包羅萬有，令他大開眼界又嘆為觀止。還有尹子維則認為這是一場真正扣人心弦的視覺體驗，帶領大家走進另一個夢幻世界！