Jeana肉搏冇得睇嗌hurt
「寸嘴o靚模」何佩瑜（Jeana）、楊愛瑾及導演錢國偉等前晚出席謝票活動，一貫性感打扮的Jeana得悉自己的情慾戲有可能在內地上映時被刪，即高聲向導演撒嬌謂：「你做咩cut咗我啲戲份呀？我好hurt架！」
Jeana、楊愛瑾、沈志明、錢國偉等前晚到旺角戲院為新戲《喜愛夜蒲》謝票，剛從悉尼回港的Jeana低胸上陣，輕易成為龍友的鏡頭焦點。由於戲內有不少「肉搏」場面，錢國偉表示可能在內地上映時會cut戲。他說：「多數要cut。（剪邊個戲份？）Jeana同DaDa（陳靜）啦，因為佢哋係『武打』明星！」
Jeana得悉自己戲份有可能被剪時，即時高聲向導演撒嬌：「你做咩cut咗我啲戲份呀？我好hurt架！」她又稱甫返港便三喜臨門，因為電影票房好，加上與男友團圓，葉德嫻又於威尼斯攞影后，認真無厘頭！
做足安全措施
Jeana於戲中有「肉搏」場面，問准不准男友觀看？她說：「我特登喺澳洲買咗套名牌內衣，係個喱士bra，如果佢嬲就着畀佢睇。」不過她又稱若不用穿給男友看，就會穿出來給大家欣賞。提到「陽光妹」何思諺（Leanne）與樂隊Mr.成員Tom奉子成婚，她高興地說：「希望Leanne一索得子，可以繼承Mr.事業。（你會唔會？）唔會啦，我哋做足安全措施。」
另外，《喜》片上了三場優先場已過五十萬票房，錢國偉謙虛地說：「如果啲觀眾話好睇就開心，都唔敢奢望。啲朋友話從中學到啲『蒲語』，編劇依家已經諗緊第二集。」
文：影視組