娜姐上周出席威尼斯電影節記者會時當眾嫌棄男fans送贈的繡球花因而捱批。不足一星期，娜姐拍短片來回應。短片以懷舊默片方式拍攝，配以《教父》的經典音樂配襯，短片中娜姐抱住繡球花飲泣及道歉叫束花原諒她，並指好多晚都想着有幾「hurt」紮花，字幕更指她不能表達自己有幾歉意。
正當大家以為她知衰認錯時，娜姐卻突然狂性大發將繡球花掟落地狂踩並爆粗：「如果我要收番之前我嘅評論，我會，但我做唔到。我仍然憎恨繡球花！我一向以來都好憎恨，呢個係自由嘅國家，所以我×你，我係喜歡玫瑰花！」