陸永冇洞房:之前洞得太多

組合農夫、官恩娜(Ella)、陳嘉桓、糖兄妹等昨出席職安健音樂會,剛剛新婚的農夫成員陸永獲不少歌手送上祝賀,他說:「結婚之後都幾好吖,好快就返咗大陸做嘢。(冇得洞房?)係啦,之前洞得太多,次序錯晒,依家唔諗呢啲住!依家知道係囡囡,希望一定唔好似我,預產期係明年2月尾。」他笑言考慮為囡囡改名「陸成熟」、「陸索」等等。同場的Ella戴住口罩、黑超素顏示人,原來她重感冒發燒。