張靈猴擒港男

樂壇新人張靈(Miya)早前到東涌拍攝MV《能捨能離》,與港男李偉健(Kim)飾演情侶,要做出貼面及擁抱等親暱場面。首次見面的兩人起初表現緊張,Miya說:「我為咗緩和氣氛,同Kim講『姐姐會照顧你』,點知後來先知原來佢大過我,真係好尷尬。」

拍攝時Kim亦顯得害羞,Miya即採取主動,卻被導演笑她不要猴擒,非常搞笑!事後Miya大讚Kim夠晒大隻,符合其擇偶條件:「挨住佢真係好有安全感,而且佢夠高,感覺可以保護到我。(繼續發展?)我又冇諗,不過當日相處咗十個鐘,之後熟咗都有約出嚟食飯。」