狄易達熬底林穎彤遭調戲
拍劇新人類狄易達與林穎彤（Bella）在《潛行狙擊》中雙雙「下海」，達仔坦言跟前輩劉松仁對稿時「熬底」唔敢笑，Bella則踢爆曾遭「Laughing哥」謝天華吹口哨撩！
歌手狄易達及童星出身的Bella，早前有幸參演熱播劇集《潛行狙擊》，「舞功」了得的達仔在與前輩劉松仁飾演父子，令他獲益良多：「第一次拍劇好緊張，但松哥知我係新人，每日都叫我提早一個鐘返去對稿，希望效果好啲！」談到松哥屢被指專橫，達仔笑說：「初時都有『熬底』o架！唔敢笑，但熟咗就好啲！」
Laughing哥好型
至於飾演CIB臥底探員的Bella，與「Laughing哥」謝天華不乏對手戲，她笑言對方戲裏戲外均Chok爆：「佢戴住副超、拉住個篋入廠嗰陣真係好Chok，好有型！」並大讚天華有諗頭：「佢事前會諗啲小遊戲同我哋玩，等大家熟落啲！（口花花撩你？）玩吓啫！有場戲我着制服扮援交妹，佢都有吹口哨o架！哈哈！」
零愛火尊稱「La媽」
此外，曾合作節目《安樂蝸》逾一年的達仔與Bella，今次卻未能在《潛》劇中「再續前緣」，問到有否發展機會？達仔率先斬纜：「唔會喇！Bella好多男仔追，加上我見Bella仲多過見我阿媽，所以我尊稱佢做『La媽』o架！」Bella則笑言擔心達仔的粉絲呷醋，故保持距離。
文：影視組