施祖男護愛苗順琪自然

在娛圈發展多年的施祖男，雖不算大紅大紫，但亦拍過不少電影如《殺破狼》、《龍虎門》等，在杜琪峯的電影裏，更不時見到他演出，如《機動部隊－同袍》、《復仇》，今年更憑法國電影《Urban Wolf》獲The Weddy Awards頒發「最佳個人演出獎」，亦因為這個獎，令他與Maggie開始發展，施祖男說：「我拍呢部戲時，法國導演對我嘅表現好滿意，我覺得全靠喺香港遇到好多好導演同好拍檔，當我知道攞獎，即刻打畀佢哋分享喜悅，其中一個電話，就係打畀Maggie。」

唔介意被叫奀星

由最初慶祝攞獎的約會，慢慢發展成為密友，施祖男大讚Magge心地善良、性格踏實，大家相當啱key。對於近期成為追訪目標，他說：「我哋唔介意畀人影到，但唔會特登去公開，（點睇人哋話你係奀星？）我唔會介意，因由始至終都唔覺得自己係星，我只係一個演員。」

施祖男與邵美琪擦出愛火。

施祖男很介意女友受傷害，不希望她有負面話題。

難忍女友受傷害

然而他卻很介意女友受傷害，接受訪問期間，處處維護Maggie，講到「同居」、「貼仔」這些對女友有着負面影響的話題，施祖男即挺身澄清：「我有自己嘅屋企，如果上朋友屋企就叫同居，我同彭敬慈咪住埋一齊好耐？我同佢好好朋友，我經常上佢屋企。」他又說十六歲在法國獨自生活，初當演員時收入不多，連倒垃圾的侍應也做過。如今大家走在一起，全因性格相近，別無其他。

由於戀情才剛萌芽，談婚論嫁言之尚早，施祖男坦言一切順其自然，至於有否見過家長？他直言見過邵美琪母親，但詳情則不願多談，希望傳媒給他們多一些空間。

文：影視組