楊秀惠男友錫晒唔急嫁

現年27歲楊秀惠與金融才俊Ray拍拖年多，最近因為妹妹於明年初出嫁，遠在馬來西亞的爸爸亦有傳短訊「逼婚」，她說：「唔介意妹妹爬頭，佢天生少奶奶命，一向唔使做，反而爸爸擔心我，成日有意冇意傳短訊問我幾時結婚！我就借啲意唔覆佢，哈哈，扮到好忙咁。」

結婚需要衝動

楊秀惠表示結婚要看緣分，亦不排除會突然閃婚，她笑說：「哥哥見妹妹結婚咁開心，最近又求婚成功，我知佢原本冇呢個計劃，所以我相信結婚都係靠一時衝動。」她表示男友未有求過婚，但雙方有共識，她說：「其實我都唔急住嫁，好多相士話我30歲前結婚唔好，依家佢好錫我，唔急住結。但大家都有傾過，最希望搞個簡單婚禮，旅行結婚就最好，但都要家人同意。」

楊秀惠計劃30歲後才會出嫁。

楊秀惠與男友拍拖感情穩定，二人希望將來可以旅行結婚。

冧仔冧到錯亂

另外，秀惠最近連接兩部電視劇，時裝與古裝交替，她坦言有時會令她思緒產生混亂，她笑說：「每次拍喊或感情戲令我最頭痛，為投入角色，我會幻想一段愛情故事，時裝要諗『Baby好掛住你』，但古裝就要用『愛人好思念你』，搞到我時空交錯！所以每日開工前都要一啲時間靜思……」

最近楊秀惠趕拍時裝及古裝劇，令思緒出現混亂，十分搞笑。

放大圖片

文：專案組　場地：中環ifc