盧凱彤盧廣仲有「弦」無份
「結他女神」、歌手盧凱彤在台灣發展，認識了各方Rock友，當中與宅男結他歌手盧廣仲最老友，對方更不時約她食早餐、玩結他，令二人成為超愈肉體的「靈魂好友」，至於能否進化成情侶關係，凱彤似乎有所保留！
近月在台灣發展，官方稱她為「結他女神」，以「Rockmui」自居的盧凱彤，在台期間積極結交各方音樂人，如盧廣仲、徐佳瑩等，問她與哪位最投契？她坦言是盧廣仲：「我同佢好似，都係早睡早起嘅人，係健康生活嗰類！佢成日約我食早餐、玩結他，交流結他造藝。」
大讚可愛
問到Rockmui與盧廣仲可有特別趣事？她說：「有次佢約我食刨冰，之後我哋去李宗盛嘅結他店試結他，當時有好多fans睇，啲fans走咗之後，我哋不斷狂試，逐支逐支玩，好開心！」可覺對方有追求之意？Rockmui即斬釘截鐵說：「一定唔係！（覺得佢點？）佢好可愛。（可有發展空間？）只可以話我哋好有緣，係靈魂上嘅好友！」
演舞台劇
提到工作，Rockmui興奮地表示明日會舉行地下樂隊的「Music Battle」騷，會與很多地下樂隊同台表演，而本月她亦開始到內地開巡迴騷，11月時更會與黃耀明、台灣歌手許茹芸合作舞台劇。
問她為何叫自己做Rockmui，她說：「Rockmui係我間公司名，自我出道已經有，今年開始個人發展，想用呢個名出product、T-shirt、書。之前書展出咗本相集，反應都幾好！」
文：高橋康
攝：劉智源