DaDa連場慾戰嫌王宗堯細

DaDa與Greg這對過氣情侶，雖然屢傳復合，但原來早已「劃清界線」，DaDa笑謂：「我每次分手都可以同男方做番好朋友，我同阿Greg都係，私底下都仲會互相問候，但我依家當正佢哥哥，所以應該唔會再一齊，感覺好怪。」Greg亦笑指與DaDa復合無望：「雖然將來嘅嘢冇人知，但暫時真係冇可能。」

DaDa感激王宗堯「以身相許」。	放大圖片	DaDa拍攝連場床戲仍不覺辛苦，認真專業。

感激「以身相許」

雖然如此，但二人在電影《喜愛夜蒲》中有不少纏綿戲，更由浴室激戰至床上，二人異口同聲指絕對可用「翻雲覆雨」形容。問到曾拍過拖的二人拍攝如此場合到底是更合拍還是更尷尬？DaDa直言毫不尷尬，還感激Greg多番「以身相許」。

DaDa說：「點解分咗手拍呢啲戲會尷尬呢？我哋係無仇無怨好朋友，而且我反而要多謝Greg，佢驚我拍床戲時穿崩，好多位都特登用個身遮住我，仲要郁都唔敢郁，我幾驚佢抽筋呀！坦白講，我覺得佢辛苦過我，好多謝佢『以身相許』。佢唯一一個缺點係隻手太細，遮得唔夠全面，哈哈！」

不覺疏離更信任

面對DaDa「批評」，Greg大感不好意思，只附和指過氣情侶拍親熱戲不尷尬：「因為大家識咗咁耐，拍親熱戲都唔覺有疏離感，多咗份信任。」再追問Greg拍親熱戲是否如DaDa所指般辛苦？他即扯開話題說：「我只係想話其實男仔打底好煩，條褲一來要細，二來要包得實同有彈性，咁樣先可避免走光。」

文：影視組

DaDa

髮型及化妝：Kayte Fung

Greg

髮型：Anson Tse@iisalon