梁漢文入行20年睇透80後
梁漢文（Edmond）相隔年半再出碟，雖然正值唱片公司多事之秋，但他堅信前途光明；為求創作靈感，Edmond更親身向80後年輕人「取經」，睇透他們思維，便很想將前人一些message帶給他們，用新碟拉近兩代人！
今年是Edmond入行20年，新碟亦是他第20張唱片，故特別取名《#20》，為紀念踏上另一音樂里程碑，他誠意請得好友張衞健（Dicky）和他合唱國語歌《一夜年少》，他說：「同Dicky識咗近20年，都未試過正正式式合唱，今次佢終一口答應獻出第一次，因為佢喺大陸拍劇，所以我專登飛北京同佢錄音。」
扭計骰上身
新碟另一主打歌《懶音哥》，Edmond自爆靈感來自跟80後年輕人的對話：「當初構思呢張大碟時，成日諗有乜嘢好做，有次同班後生仔踢波傾開偈，發覺佢哋對我哋七十年代嘅人同事一無所知，所以我覺得要做張可以同佢哋講番我哋年代有趣事嘅唱片。」
至於新碟封套，身穿筆挺西裝的Edmond於電腦效果合成下加上立體積木，他表示：「只係似積木，其實係扭計骰嚟架，我諗冇一個70後冇玩過扭計骰囉！」
採訪：音樂組
Hair：Moe@Salon MM Mastermind