古仔冇女陪煲劇解dry
古天樂、吳彥祖和葉璇前晚出席電影慶功宴，由於腳傷在身，古仔仍撐拐杖出席。他表示已休息了一個月，雖然不能做粗重工作，但他一點也不dry，不會趁休息時識女仔，只愛在家煲劇及睡覺解悶。
古天樂、吳彥祖、葉璇和監製爾冬陞等，前晚出席《竊聽風雲2》慶功宴，另一主角劉青雲因出席威尼斯電影節而缺席。身穿Tube Dress騷「事業線」的葉璇，相當性感。《竊2》在內地票房已逾兩億元人民幣，香港亦衝破兩千萬港元大關，打破了首集紀錄。撐着拐杖、戴着護腕及護膝出席的古仔，沿途獲保安人員傍實。
談及傷勢如何？古仔說：「抖咗一個月，已做物理治療。」他透露在家休養：「成日睇劇同瞓覺，同埋做輕微工作。（請私人看護？）唔使。（搵女物理治療師？）我唔dry。（休息期間有冇識女仔？）冇囉，主要係休息同運動，每日都做物理治療，練吓隻腳。間唔中同朋友食飯。」
小病是福冇損失
對於本報披露他與陳慧琳合演賀歲片《八星抱喜》，他說：「劇組想我休息多啲，盡量夾時間，未來兩三星期做物理治療。」至於休息一個月是否損失好多？他說：「其實好多工作冇推，只不過係延遲，『小病是福』。」問到若開拍《竊聽風雲3》會否接拍？他說：「作為演員，最緊要拍好戲，唔介意拍第三集。」導演莊文強及麥兆輝亦表示希望《竊3》中古仔、吳彥祖及劉青雲再合作能掀起更多話題。
日前古仔以約8,600萬元售出何文田京士柏山洋房賺約二千萬元。但他暫時未有計劃再買樓，他說：「依家啲樓買嚟自住，未諗投資，袋埋儲住先啦。」
文：專案組