19年前，我唔敢打招呼

我第一份工就做警察，收工後唔會講人知自己做邊行，免得麻煩。之後去咗電台工作，一日返18小時，日日埋首錄音室寫講稿，其實我無乜朋友！直至92年在電台認識陳生（陳志雲），佢當時已經係高層，我唔敢打招呼！直至搬去何文田街，我哋先開始熟落。陳生當年開ＭＲ２（日本兩座位小跑車），見他肥嘟嘟塞落去好好笑……

95年6月，陳生入職無綫，而我無做電台失業9個月後，曾勵珍搵我拍劇，先喺96年頭加入無綫。陳生常請我上佢家吃飯，佢屋企千六呎，好大。我都有煲湯畀佢飲，但我們的友好關係未有張揚，人前我們會避忌，怕無綫內部多是非。陳生嘅自律係最令我敬佩，因自律嘅人做咩事都會成功。陳生其貌比我更不揚，但佢係好有威力嘅人，可令人放下戒心以最真一面受訪，《志雲飯局》係佢成功嘅原因，不過當年我拒絕上節目，因為我對住佢會講真話！

志雲每次出庭，王喜都會在身邊擔當保護角色。
  • 志雲每次出庭，王喜都會在身邊擔當保護角色。