何志恩送Karen婚紗當做禮
本地設計師何志恩（Johanna）昨日出席活動，擔任硬照模特兒的她坦言：「我咁多雀斑都搵我做模特兒，真係好大膽！（老公鍾唔鍾意你啲雀斑？）唔鍾意都冇計。反而囡囡成日𢱑我塊面，以為啲雀斑係畫上去嘅。」
而問到為歌手好友莫文蔚（Karen）設計婚紗一事，Johanna表示分別為她設計了一件婚紗及一件晚裝。至於是否不收分文？她笑言：「我哋唔講金，講心嘅啫！咁多年朋友，當結婚禮物送畀佢。（性唔性感？）唔性感，性感係喺台上面，佢真人比較保守。尋日啱啱試完身，真係好靚！好似天使一樣。」她笑言自己將與丈夫飛往意大利參加婚禮，而兩名小朋友則留在香港。