超盈唔mind超雲搶先嫁

何超盈前晚與弟弟何猷亨出席MOISELLE 2011秋冬時裝展，為老友兼品牌太子爺陳柏熹撐場。是次時裝展以「光之狂想曲」為主題，展示超過六十套新裝，並吸引余安安、黃美儀、四洲太子女戴凱欣、關心妍、羅霖及文詠珊（JM）等前來欣賞。

未有和男友Greg到場的超盈，指着弟弟猷亨笑說：「佢咪係我另一半囉，男友要返工。（同男友最近點呀？）次次都咁上下啦，穩定囉！」問到何時跟男友結婚，超盈說：「又問呢啲嘢，唔好每次問同一問題啦，都係要畢業先。（叫超雲爬頭？）係囉，我都想。（催佢？）佢嘅嘢問番佢啦！」

JM以大露背上陣，十分搶鏡。	陳柏熹領着女模出場謝幕。	（左起）戴凱欣、關心妍、黃美儀出席睇騷。

猷亨認細拒提新歡

至於快將21歲生日的超盈想賭王送甚麼禮物，她笑說：「我真係冇所謂，其實之前爸爸都送過英國一層樓畀我，但係我之後都住香港，咁叫爸爸送層香港嘅樓畀我啦，哈哈！」

被拍得和新歡齊見賭王及家人的猷亨，被問到感情生活時，猷亨說：「私人問題唔答，唔好意思，我仲好細個，得十八歲！」當記者笑指可能賭王於十八歲已為人父時，猷亨則笑而不答！而超盈亦即出面護弟，着記者給予他空間。

關心妍性感睇身材

另外，和老公楊長智現身的關心妍表示籌備開個唱，問到會否性感演出？她笑言要看屆時的身材狀況，才決定性感程度，她說：「可能要搵trainer幫手減，唔使搞到前後平晒。」而JM以露背晚裝上陣，非常養眼。JM表示剛拍完電影終可脫離負面情緒做回自己，更言很想放假，問到會否如老闆黎明一樣旅行結婚，她即說：「唔會！有排啦！」

文：名人組