祖兒天后送抱平復緊張

容祖兒減肥成功，前晚穿上性感貼身新裝，與古巨基、官恩娜（Ella）、鍾舒漫、張智霖、梁漢文、狄易達等錄影《2001勁歌金曲優秀選第二回》。至於祖兒早前增磅，心口一度驚現的「峰」頭，前晚再次失蹤，重新迎來「飛機場」身形。

隊長好尷尬

當晚主持陣容以羅敏莊配「巨聲2幫」隊長新手「胸肌王」陳國峰，初登大場面的陳國峰明顯戰戰兢兢，甫開場便頻頻食螺絲，站在他身後的祖兒毫無顧忌，從後攬上，為他拍拍心口「定驚」，令陳國峰一臉尷尬，身旁的古巨基亦拍拍其膊頭以示支持。

祖兒坦言滿意自己身形偏瘦。

官恩娜手傷也不讓男友幫忙沖涼。

對於公開攬仔，祖兒急急澄清，她笑說：「我畀啲定心丸佢食咋！抽水嘅嘢諗都冇諗過。（你咁熱情佢可能仲驚喎？）我純粹出於好心拍吓佢心口。」至於再度告別「小波地」祖兒明顯很滿意，她說：「日日做運動嘛，小波地我唔恨，要有都好易，但我又唔想撐大件衫。」直言最想瘦到可穿童裝，因為童裝衫最靚。

Ella變楊過

另外，同場的Ella為遮掩手部傷口，刻意戴了手套，她表示昨天已拆線，受傷一個星期樣樣都要單手進行，十足武俠小說人物「楊過」，問Ella男友有否協助沖涼？她說：「梗係冇，我唔准佢幫，好尷尬嘛，佢有幫我托住隻手同餵我食嘢。」

文：影視組