樂壇新人迪子貌似胡定欣，不過兩人最大分別是迪子擁有33E震撼身材：「我好細個就發育，啲同學仔成日笑我身材勁，令我好尷尬同冇晒自信，所以我唔會因為好身材而自豪，（可以行性感路線喎？）一定唔會，我過唔到自己嗰關。」
問到可覺得似胡定欣？迪子說都有朋友咁講，有次更在茶餐廳被誤認：「隔籬枱嘅食客望住我講胡定欣個名，所以我覺得佢哋認錯人。（可介意被認錯？）唔介意，因為會畀人親切感，人哋容易接受我，但當然我唔想活喺人哋嘅影子中。」
