城城邊吊邊咀呻辛苦

郭富城與劉若英(奶茶)於新片《全球熱戀》內「談戀愛」,扮演太空人的他倆更獻上「世紀之吻」,浪漫背後其實殊不好受:「因為要演出太空嘅無重狀態,所以我哋吊起(威吔)嚟錫,手腳唔知點擺先好,一拍就六個鐘,吊到手腳麻痹。」

「世紀之吻」後奶茶隨即嫁作他人婦,城城當然戥對方高興,當被問到他的婚期時,城城即推搪謂:「使乜急?我大哥都未結婚,可能我哋都係從事創作(按:城城大哥做設計),唔想有嘢心掛掛阻礙靈感,不過人生好多嘢預計唔到,或者明年我思想有改變都唔奇!」

場地:The Mercer尚圜酒店