Phoebe師妹Cassie童顏撈細界

今年寫真戰，「葛民輝Icon女」許穎（Phoebe）以開放言論及火辣身材成功製造不少話題，其師妹Cassie（夏然然）最近正式出道，坦言想像師姐一樣火速走紅。即將推出電子寫真的她正努力Keep Fit及學談吐，她說：「覺得師姐好有大將之風，口才同EQ都好好，我會以佢做榜樣！」

童顏Cassie最近仍被人以為是16歲，相信令不少女性羨慕！	放大圖片	Cassie無懼細粒身形輸蝕，反而覺得是一種賣點。

身高只得5呎1吋的Cassie，拍埋大部分Model都矮了一截，不過她卻不以為然，認為嬌滴滴是一個賣點，可令港男萌生保護女性的大男人心理：「香港好多男仔都鍾意女仔細細粒，唔想女朋友高過自己吖嘛！我有啲好高嘅女仔朋友都羨慕我咁的骰。」

細細粒 隻手可攜

她表示前男友或追求者都狂讚她可愛，貪她「一隻手可拎得起」，她說：「咁我又真係好輕，得80磅！加上我又有Baby Face，好多人仲以為我得16歲咋！所以我主力走可愛路線，亦都想冷艷同性感兼備。」的確，今年嬌小女星當旺，君不見樂瞳、糖妹甚至DJ阮小儀都成功升呢，紛紛吸納大批宅男fans？

Cassie在北京出生的，多年前來港發展，跟阿姨同住，父母仍住在當地，令她變得獨立：「家人都好支持我做Model，其實佢哋不時都會嚟香港，我又會返北京，所以都成日見。（有冇男友？）冇拍拖一年喇！都唔急嘅，想珍惜工作機會先。」

文：立影

攝：秦健輝

Cassie Profile

中文名：夏然然

年　齡：23歲

身　高：155cm

體　重：37kg

三　圍：32B、24、34