名模Ana R.昨日出席時裝活動，心情依然不佳，自前日她向本報爆出胞弟發現自己兒子原來非親生骨肉，加上胞弟的前妻又回來爭奪兒子撫養權，昨問到最新狀況，原本笑面迎人的Ana即收起笑容說：「我都唔知佢哋嘅最新消息，但作為家庭成員之一，我都想知發生咩事。（依家心情點？）唔OK，我諗任何人遇到呢種事心情都唔會OK。細佬亦覺得佢同仔仔之間嘅關係冇咁易受到破壞。」
至於會否回家鄉探胞弟和姪兒？Ana就失落地表示暫時不可以回去，因事件未告一段落，她回去只會令事情更糟；她又表示胞弟跟前妻的撫養權官司可能要6個月後才會結束。
