導演楊龍澄：意識非受虐
張栢芝最近遭翻炒的受虐短片由導演楊龍澄（Vernie）所拍，Vernie昨透過經理人公司作出澄清，直言短片名為《娛樂戰俘》，內容分三部分，張栢芝主演的部分叫《狗仔戰俘》，早於五年前拍攝，是想表達藝人被追訪到透不過氣，絕非外間所指的受虐，發言人李小姐說：「呢段片係為某演唱會拍，喺九龍灣展貿播過，有幾千人睇過。拍咗咁多年，唔明點解依家攞出嚟講，至於塞口，都係想表達被人塞住把口嘅痛苦，並唔係乜嘢被虐，YouTube好耐前已經有，我哋冇刻意發放，當時搵栢芝亦都係導演意思，唔係經朋友介紹。」
據知，Vernie畢業於英國，長年於英國拍攝廣告，名氣頗大，曾執導澳洲天后Kylie Minogue的《I Believe In You》MV及陳奕迅的《好久不見》MV；有份主演《娛樂戰俘》短片的超儀亦力撐Vernie曾經効力於名導烈尼史葛RSA公司，來頭甚勁。