羽翹同羅力威唔熟

歌手羽翹（Ava）及模特兒貝安琪（Ankie）昨日穿上婚紗，出席新城市廣場《史諾比開心世界》世紀浪漫集體婚禮活動。Ava透露自己喜歡性格風趣，而且身形瘦削的男生。問到緋聞男友羅力威是否符合她的要求？她笑言：「佢都唔係好瘦啫！（佢唔夠幽默？）我哋唔係講過好多嘢，多數都係講關於音樂嘅嘢。（聽講佢監製涉嫌偷咪？）我都有睇報紙，我諗係誤會嚟啫。（佢有冇同你傾訴？）我哋好少講私事。」而同場的Ankie則表示希望婚禮於夏威夷的沙灘上舉行，屆時與好友一同玩樂。而問到她會否考慮閃電結婚或奉子成婚？她則不置可否：「講唔到，要睇情況，不過最重要都係搵到一個適合嘅人！」