林莉唔騷酒吧型男
模特兒林莉前晚以透視上衣及熱褲打扮現身池畔派對，問到為何不以比堅尼上陣？她坦言服裝由大會提供，而且今次是她首度穿熱褲，稍微露股，已算性感，她又說：「我唔識游水，所以除咗工作或者去外地旅行，我好少着比堅尼。（着泳衣有冇畀人毛手毛腳？）有人要求同我合照，但無抽水。」
另外，林莉自爆剛去了台灣工作回港，在當地酒吧消遣時遇上高大型男搭訕，她說：「佢想識我，但當時我心情唔好，所以我無理佢。其實平時好少人同我搭訕，可能我太高，而且又一碌木咁，畀人覺得好cool啦！」她反問自己是否錯失了一個好機會呢！