莊思敏打擊Deep：復合機會微
模特兒莊思敏與男友吳浩康（Deep）分手後，昨日首次為婚紗展行騷。問到Deep日前公開表示想與她復合？她表示：「佢有同我講，不過現階段復合嘅機會比較微。（有咩令你咁決絕？）原因好難交代，唔想傷害對方。」她表示前日已與Deep見面，並已向他清楚交代自己的心態，Deep亦明白問題所在。當記者提到Deep表示曾考慮與她結婚，她即流露出一絲哀傷的神情，並說：「好難講，結婚需要好多嘢。要有穩定嘅關係，同埋要有信任，不過我哋之間有裂縫，我冇考慮過結婚。」
而當問到是否因第三者介入而分手？莊思敏表示實際上沒有第三者，但當記者追問是否有女生主動靠近Deep？她則拒絕回應：「唔答。（你有第三者？）梗係唔係我啦。（佢一腳踏兩船？）如果踏咗就唔會咁啦！」
