古巨基結婚對象冇條件性感
與助手Lorraine風雨同路兼緋聞傳足十多年的古巨基，雖說還未有結婚計劃，但他卻抵死地說將來未必會為太太設計性感款式的婚紗，因為另一半冇條件去性感，難道是指身形瘦削的Lorraine？
近年常埋首設計工作的古巨基，前晚於《香港傳藝節2011開幕頒獎禮》獲頒「大中華設計獎」，同場還有何紫綸、陳嘉桓及趙哲妤。基仔表示獎項極具意義，因是其設計路上首個獎項，難得可以把自小愛美術畫畫的興趣，化為演藝事業外的另一個事業平台。
無懼栢芝爭飯食
問到基仔將來結婚時，會否親自設計婚戒？他說：「冇問題！小兒科！向來對首飾設計有興趣，而且自己設計獨一無二。（求婚？）吓？點解講呢啲？唔係講緊設計咩？（為太太設計婚紗？）將來有需要都可以諗吓。」不過當問到會否設計款式性感的婚紗，基仔十分搞笑道：「我諗着婚紗嘅對象應該性感唔嚟，但我會將佢唔係強項嘅地方修飾一下！」
另外，同場的張栢芝好友兼模特兒何紫綸，被問到栢芝在內地疑被保安胸襲，她說：「佢咁紅都正常！（係保安唔係歌迷！）唔驚，佢有功夫底子。」何紫綸自言讀書時有次搭地鐵也曾被人揸pat，她續說︰「見過有個男仔用下體頂住個女仔，我即刻出口話佢！」何紫綸續說稍後會跟栢芝吃飯，笑言對方還欠自己新書的一個序言未寫。至於栢芝現在的心情，她說：「好開心！上次教佢行catwalk見佢好開心。（怕佢入模界爭飯食？）哈！佢仲係學生，唔係我對手。如果佢轉型我都會轉，我希望三年內結婚生仔，唔想做高齡產婦。」
文：名人組