阿嬌揀老公膽大網為

阿嬌提到表姐婚宴同時勾起她對愛情的看法與經歷，她說：「嗰刻好似自己轉咗做Wedding Planner咁，都有諗過自己嘅婚禮，因為自己唔係信徒，為咗着住白色婚紗步入教堂，我應該會揀外地舉行婚禮，總之一定要浪漫同難忘，希望係一生最美好嘅回憶。」

結識異性有難度

入行前曾為自己定下25歲婚期的阿嬌，隨着身份及工作性質改變，心態亦同時作出調整，踏入30歲的她笑言自己是「中女」：「依家覺得理想結婚年齡係35歲，40歲係我最後底線，雖然好想遇到理想老公，但工作關係影響，連普通識個男仔都要有所避忌！」

阿嬌去年為表姐擔任伴娘及婚禮搞手。	阿嬌希望自己有個浪漫而甜蜜的婚禮。	放大圖片

望着身邊朋友遇上網上奇緣，阿嬌曾想訂下條件計劃出動「網上徵婚」說：「要孝順，個樣唔討厭，年紀細我少少都可以接受，但一定唔可以打女人，有上進心都好緊要，我都唔算太貪心啩？」

男人要自信爆棚

近年不時到內地工作的阿嬌坦言不抗拒另一半為內地人，但就難忍大男人，她說：「我係個冇乜安全感嘅人，另一半要就得我，仲要照顧到我屋企人，相信少啲信心同膽量嘅男人都未必承擔得起。」提到徐熙媛（大S）與汪小菲見面4次定終生，阿嬌就大叫浪漫，亦不排除自己會閃婚可能。

採訪：音樂組