陳自瑤（圖）昨日出席活動，提到早前與男友王浩信在家中被偷拍，之後無綫代出頭到專員公署申訴一事，她說：「專員曾經上過嚟我屋企睇過，仲係搜集證據階段，未有結果。（影響生活？）依家好啲，冇再咁恐慌。」
此外，陳自瑤自言愛到超市格價，故男友放心將廚房由她打理，亦因此得到「天王廚神」美譽。她說：「我唔鍾意浪費，賺錢咁辛苦。（你做當家？）媽咪先係當家。（喺男友心目中呢？）女仔喺呢方面係叻啲嘅。」
