許亦妮死撐融入「雙朱」
應屆港姐朱晨麗與朱希敏「雙朱」前晚到蘭桂坊出席活動，曾於4、5年前到過該處的朱希敏笑言當時與大班女友人同行，但事隔已久，已記不起當日有否被男仔撩，二人又否認聯手排斥季軍許亦妮，澄清三人感情OK，只是傳媒拍不到她們親密時的照片。
昨日「雙朱」聯同許亦妮出席骨髓基金活動，期間朱希敏與許亦妮眼見一些接受骨髓移植者講話時感動落淚，朱晨麗感慨地說：「社會太多需要人幫助嘅人，如果我哋有能力就盡力幫！」
談到對同屆港姐蔡慧欣與羅仲謙傳緋聞有何看法？朱晨麗說：「我都係睇報道先知，最好問番佢好啲，都係平常做嘢，合作關係。（有冇見佢哋特別親密？）個個都要對稿，面對Camera好平常。」至於許亦妮亦否認被排斥：「嗰日原本我都一齊食飯，後來我唔得閒冇去到啫。（咁大家有冇解釋番件事？）唔需要囉！」