陳偉霆親自作曲被指請槍
陳偉霆（William）昨日到電台宣傳新碟，碟中有兩首歌是他作曲，他說：「公司都唔信我作。（懷疑你請槍？）從另一個角度睇係好事，證明我作得好。」歌影兩忙的他下月將到日本拍攝外景四日：「我真係唔驚，我好鍾意食，難得寓工作於娛樂，我梗狂食。」
William跟女友蔡卓妍（阿Sa）各有各忙，他坦言平日靠短訊、電話維繫感情：「大家有共識以工作為重，希望年尾請到假一齊去玩，但今次會改變策略，唔會新年去旅行，因為成日被狗仔隊撞破好掃興。」另外，William前晚到一商場玩快閃，走到美食廣場突然跳舞。他說：「今次特登唔用跳開嗰班dancers，係用舞蹈學校班學生，促進交流。」