Lynn唔敢搞男友塊面
名模熊黛林（Lynn）昨日出席護膚品活動，大爆自己來港前並不注重皮膚護理，故皮膚很差：「以前真係爛面，就算化妝都冚唔到，一粒粒突晒出嚟。以前人哋話我靚，可能係因為我化完妝又着住靚衫。不過我自己會心虛，因為知道自己皮膚唔好，不過依家我有番啲自信！」
Lynn透露自己每月花上幾千元來護膚，又笑言每次回家鄉，都必定會為家人檢查皮膚。問到她會否為緋聞男友郭富城檢查皮膚？她笑言：「我唔可以整佢個樣，責任咁重大！」她又大讚城城樣子漂亮：「靚到女仔都驚咗佢，唔可以企埋一齊。佢依家仲要型咗、成熟咗、有味道咗。」