蔡加讚錫晒圓圓爆粗講手no way
羅仲謙被爆打女友傅穎一事成為城中熱話，「玩具大王」蔡志明兒子蔡加讚就揚言絕不會向女友汪圓圓動粗，爆粗也不會，但他就表示接受不到女友的奪命追魂call，認為兩個人沒有信任的話，一起也沒意思。
前晚蔡加讚出席活動，同場還有無綫藝人宋熙年。蔡加讚被問到羅仲謙與傅穎的糾紛緣於女方偷看男友電話？他表示兩人拍拖講求信任，如果不信任，怎樣check電話都沒有用，他又謂與女友汪圓圓都不會check大家電話：「我覺得應該尊重番對方，電話係好私隱，好似日記咁！」問到會否脾氣不好找女友發洩？他即說：「絕對冇，男仔更加唔應該咁做，唔好話動粗啦，講粗口都唔會，特別係對女朋友添啦！」有指傅穎奪命追魂羅仲謙？他說：「其實咁樣冇意思，我就接受唔到，我同圓圓都唔會成日講電話，得閒先傾，咁樣追嚟追去太冇意思！」
拍拖後皮膚變差
此外，昨日汪圓圓出席護膚品活動，她表示曾與羅仲謙拍戲，大讚對方為人很nice，更會在片場教女孩子如何結識好男孩；至於教甚麼？她就說：「都係一般嘅嘢！」她透露那時候已知道對方跟傅穎拍拖，但就沒有過問。那可會覺得對方有躁狂？她說：「冇，佢好專業。做嘢時就好專心，唔使做嘢就講吓笑。（保持聯絡？）佢好忙，大家都係做嘢先見到面。」
此外，臉上長滿粒粒的她透露男友陪看中醫，記者笑問是否愛情太過滋潤所致？她笑說：「唔知呢，不過同佢拍拖後皮膚就開始差啲，（掛住拍拖冇時間護理？）依家已經好努力整番啲皮膚，（講通宵電話？）冇，佢好乖我都好乖，返工就唔會講，淨係五、六、日先見面，（係咪因為佢塊面成日貼住你塊面？）佢皮膚咁好，如果真係咁，佢反膚都會變差啦！」說畢哈哈大笑。
文：名人組