劉心悠易呃姊妹嘲蠢

劉心悠、杜如風及卓韻芝年前因拍電影而結緣，三人自此成為了好友，近日她們再度合作，拍攝脫毛公司廣告，拍攝時甫見面即雞啄唔斷，憶起昔日拍片的開心事。

阿芝及杜如風一同嘲劉心悠蠢，阿芝爆出當年的整蠱事件，笑說：「我夾埋杜如風同工作人員整蠱心悠，話自己殺過人，電影人係好黑暗，估唔到佢真係信。」心悠聽到被嘲蠢時即撒嬌說：「佢無理由呃我o架，我咁信佢。」杜如風指心悠直至拍完電影，仍未識穿整蠱計劃。

劉心悠為人單純，很易被整蠱。

杜如風（右）及劉心悠合作拍戲後變成好姊妹。

唔係剩女

三女今次一同為脫毛公司代言，坦言脫毛後更自信：「脫毛之後自信咗，可以着多啲唔同嘅衫。」

至於談到感情事，問到三女會否怕被指是剩女？三女均表示不介意，心悠及阿芝表示感情事順其自然，杜如風則說：「唔會關注呢個字，唔係剩女，係盛女，唔會有結婚壓力，仲未搵到個男人好過我老竇，搵唔到點解要嫁？」

文：專案組 攝：黎志輝