無綫藝員梁烈唯正為劇集《樂府藏龍》拍攝，飾演中國第一個男子舞蹈員的他有多場的跳舞戲份，其中一場戲更要男扮女裝跳舞。唯唯說：「我喺劇入面嘅角色真係好鍾意跳舞，不過古代冇男人跳舞，所以畀人覺得唔男唔女咁。」
唯唯透露拍攝時要經常跳躍：「跳完隻腳真係好痛，排舞老師話因為平時冇鍛煉開，所以啲肌肉特別痛，不過都好開心，因為拍完嗰分幾鐘嘅跳舞戲份，導演都拍晒手，估唔到我跳得咁好。」
