Twins成都簽唱 順利舉行

Twins昨日在成都舉行新碟簽唱會,吸引大批粉絲撐場(圖),十分墟冚,今次能順利舉行令蔡卓妍(阿Sa)和鍾欣桐(阿嬌)都興奮不已,Twins開心說:「之前南寧站因太多人聚集喺室外,大會驚有意外取消,而成都站就喺室內搞,大家都冇咁辛苦。」

Twins謂內地天氣炎熱,故此兩女都很擔心fans的安全,今次成都站可以如期舉行令她們鬆一口氣,二女笑說:「經過今次之後,我哋學到嘢,以後喺大陸搞簽唱會,都會要求喺室內舉行。」Twins還要留在大陸做連串宣傳活動,雖然奔波勞碌,但新碟推出至今無論在香港和大陸都數度斷市,令她們感到十分鼓舞。