糖兄拍糖妹：咁算唔算打佢？
組合糖兄妹前晚出席活動，提到傅穎遭羅仲謙打傷，糖兄即作狀拍打糖妹頭頂，並說：「我咁算唔算打佢？點都好，男人郁手都唔好。」糖妹則自爆以前會check男友手機：「大個咗就冇喇，眼不見為乾淨。（點睇一腳踏四船？）佢交足功課OK，總有一日會穿煲。」
另外，劉心悠昨日出席公開活動，對於同公司的傅穎主動向傳媒數臭前男友，又向雜誌記者展示瘀傷，身為師姐的劉心悠坦言不便評論：「我冇立場去講嘢。（知唔知佢哋開記者會？）唔知，希望大家唔好笑佢哋，呢件事係私人感情問題，唔應該公事方式處理，希望佢哋冇事。」
