人氣球星碧咸的髮型出名多變，經常帶領潮流，可惜型男始終難敵中年危機，日前被拍到頭頂驚現地中海！看來碧咸從今難以再變「髮」。
萬人迷碧咸風靡萬千少女，一向喜愛以不同髮型亮相的他，每每均能輕易地帶領潮流。最為人所熟悉的便要數其90年代中間分界的造型、兩旁剷青雞冠頭及綁馬尾等的髮型。
可惜，隨着碧咸步入中年，頭髮買少見少，早前已傳出他的髮線愈來愈高，而且頭髮日漸稀疏，需特意找髮型師設計髮型遮掩，難怪近年頻頻以長頭髮示人，連跟囝囝衝浪時亦要戴帽，避免頭頂見光。
可是醜婦終須見家翁，碧咸前日同老婆Victoria及囡囡夏柏舒芬前往好友名廚哥頓藍西的餐廳食飯時，便豁出去以短髮見人。雖然碧咸盡量將頭髮向後梳起，但從後依然見到頭頂出現了一個大窿，明顯出現禿頭迹象，頓時魅力大減！
不過，碧咸日前在球場上突然賣大包，被拍得拉高波褲令下體頓時激突現形，成功搶鏡。相片公開後，網友紛紛留言指碧咸下體雄偉過人，難怪已是４位仔女的爸爸。
另外，Victoria生完B女不足兩個月，已修身七七八八，素顏示人亦可見皮膚相當光滑，看來她已經為9月的紐約時裝騷蓄勢待發。
文：外娛組