Cara G.見晒家長等男友求婚
混血名模Cara G.早前衝出亞洲到英國發展，開拓歐洲市場。Cara此行共逗留兩個月，除主要在倫敦外，還到了德國和丹麥等地，最難忘是為老牌樂隊Duran Duran拍攝MV，她說：「我有機會同五位國際超模包括仙地歌羅馥同娜奧美金寶一齊演出，真係好榮幸。嗰邊嘅Agency想我留喺英國，但我唔想重新嚟過，而且我好掛住我男朋友Jesper，我隻狗狗，同埋我喺香港買咗樓，香港先係我屋企。」
Cara的男友Jesper亦有飛到當地探望她，她說：「Jesper帶咗我去丹麥見佢媽咪同啲親戚。（幾時結婚？）Jesper仲未求婚，不過佢今次帶我去咗間古董珠寶店，問我鍾意咩款式嘅戒指，我揀中咗幾隻，唔知佢會唔會買嚟畀Surprise我呢。」
