謝天華眼角見紅稱帝好兆頭

謝天華前晚現身鞋履活動，同場還有名模熊黛林（Lynn）、名模陳沛嘉及名媛黃美儀等。豈料天華於欣賞醒獅時，意外被獅頭撞正左眼角而見紅，但被捧為今年視帝大熱的他絲毫沒有介意，反而笑指這是好運的先兆：「咁樣先代表我鴻運當頭！其實拍戲都成日撞親，呢啲好小事。」

謝天華欣賞醒獅時，被獅頭撞正左眼角而受傷。	「撞傷」謝天華的醒獅。	陳沛嘉以高貴打扮現身活動。

收起笑容護妻

不過，當天華被問到有傳他和太太因生育問題而有口角之爭，天華即時收起笑容，並一本正經地表示：「呢件事我都無正面回應過，我同太太都好少採取法律行動，因為作為藝人咁做只會浪費時間同金錢，所以我只透過微博去表達。本身呢啲係我同太太私人事，入面（雜誌）成日講咩知情人士講，都唔知係邊個！全部內容都係炒作！我係藝人預咗畀人講，但太太唔係，作為男人同丈夫我會保護家人。」他還透露事件令到太太感到不快，二人結婚多年雖曾提及生育問題，但現時兩公婆都享受二人世界。

黃美儀以露膊打扮上陣，充滿型格。

Lynn穿上全球只得兩對的水晶長Boots，閃爆全場。

Lynn閃爆全場

而Lynn則穿上全球只得兩對的水晶長Boots現身，閃爆全場。問到Lynn跟郭富城吵架時，城城會否出手？Lynn就連聲說不會，還盛讚城城溫柔和Gentleman。至於二人吵架時，城城會否讓她？Lynn即說：「點會嗌交呢？無喇喇嗌咩交？（你哋一齊咁耐無嗌過交？）我前幾日嘔唔舒服，可能之前同朋友聚會飲咗酒啦。」問非所答的Lynn似乎有意轉移話題。

文：名人組