謝賢望兒媳再見亦是朋友
連月來因鋒芝婚變被傳媒追訪得透不過氣來的謝賢（四哥），每次被問及鋒芝情況時總不願多談，昨日卻難得地以輕鬆愉快態度接受本報電話訪問。問四哥鋒芝終落實離婚是否讓他放下心頭大石，他即以慈父口脗謂：「放咩下心頭大石呀……良心講，真係平常心去睇呢件事，兩個（霆鋒同栢芝）我都錫，總之希望佢哋分開咗都好似我同拉姑咁，再見亦是朋友，祝福大家各奔前程啦！」
再問他會否致電前新抱栢芝慰問時，四哥笑謂：「依家咁敏感唔好打喇，你代我問候佢啦！」再問四哥何時抽空探望一對寶貝孫仔？四哥即展示幽默本色謂：「探我都唔話你哋聽啦，唔通叫你哋一齊去影相咩？」