羅力威陰謀論撐唱片監製冇偷咪
「星光幫」羅力威的唱片監製涉捲入油麻地「星級錄音室」錄音咪失竊案，前晚被警方拘捕的方姓男子被通宵扣查，於昨晨獲准保釋候查，下月19日返署報到。警方前晚曾到疑犯在青衣的住所搜查，檢回四支懷疑失竊的錄音咪，總值10萬元。
羅力威昨在電話中力撐唱片監製說：「絕對百分百支持佢，以我所知係誤會，唔係偷只係借，但人哋一句話『冇借畀你』可以點？」他形容事件奇怪，似有陰謀：「唔知係咪想阻延我錄音。（擔心被影響？）唔擔心，時間可證清白。」而他昨晚完成音樂會後，繼續力撐監製：「以我熟悉嘅佢，額頭鑿住個『好』字，警方未搵過我，但歡迎警方搵我。」亞視高級副總裁葉家寶就澄清：「嗰位先生唔係亞視職員，只係曾經參與過星光一班嘅職員，完全同亞視無關，可能係有啲製作上嘅嘢搵羅力威合作。」而著名音樂人雷頌德曾一度誤會是自己旗下公司遭竊咪而嚇親，並會放私家咪入雪櫃保護。
羅力威緋聞女友羽翹前晚則自爆睇on即時新聞時，見羅力威回應傅穎和羅仲謙的新聞，被記者取笑她很留意羅力威，問是否姓羅的都要小心？她笑說：「呢個提議OK喎，我會留意姓羅嘅有冇暴力傾向。」