曾與傅穎傳緋聞的方力申急急劃清界線，反而力撐謙仔：「同傅穎少聯絡，人哋嘅感情事冇得講。（同謙仔熟？）之前合作過，我有Send短訊問候佢，佢咁大隻，如果佢真係打人，對方一定唔止小傷，我試過打佢幾乎搞到隻手扭親！」
楊梓瑤曾與謙仔傳緋聞：「同謙仔冇聯絡，都係講拍戲嘢，連佢電話都冇！（覺得佢花弗？）靚仔自然多人鍾意，不過我唔知內情唔方便評論。（你唔冧佢？）擇偶條件唔使靚仔。」
江若琳初出道時曾與謙仔傳緋聞：「印象中謙仔好斯文，不過男人郁手就一定唔啱，用口講就夠。（識傅穎？）合作過但冇聯絡，我認為私事最好私下解決，唔適宜公開。」
